خواب ڈستے رہے بکھرتے رہے

خواب ڈستے رہے بکھرتے رہے

کرب کے لمحے یوں گزرتے رہے

کھو گئے یار ہم سفر بچھڑے

دل میں دکھ ہجر کے اترتے رہے

ہے یہی ایک زیست کا درماں

اشک آنکھوں کے دل میں گرتے رہے

چھا گئیں ظلمتیں زمانے میں

لاشے ہر سمت ہی بکھرتے رہے

لاکھ ہم تجھ کو بھولنا چاہیں

نقش مٹ مٹ کے پھر ابھرتے رہے

درد کی چوٹ دل پہ پڑتی رہی

ہر گھڑی زخم دل نکھرتے رہے

khwab daste rahe bikharte rahe

karb ke lamhe yun guzarte rahe

kho gae yar ham safar bichhre

dil mein dukh hijr ke utarte rahe

hai yahi ek zist ka darman

ashk ankhon ke dil mein girte rahe

chha gain zulmaten zamane mein

lashe har samt hi bikharte rahe

lakh ham tujh ko bhulna chahen

naqsh mit mit ke phir ubharte rahe

dard ki chot dil pe parti rahi

har ghari zakhm-e-dil nikharte rahe