کیوں نہ ہم سوچ کے سانچے میں ہی ڈھل کر دیکھیں

کیوں نہ ہم سوچ کے سانچے میں ہی ڈھل کر دیکھیں

وہ جو قائم ہے تو پھر خود کو بدل کر دیکھیں

گو مسافت ہے کٹھن اور نہ رستہ کوئی

لیکن اس حال میں اچھا ہے کہ چل کر دیکھیں

ہم محبت کو مکمل نہیں ظاہر کرتے

وہ حنا برگ کو چٹکی میں مسل کر دیکھیں

زندگی موت میں مخفی ہے یقیناً اپنی

مثل پروانہ چلو ہم بھی تو جل کر دیکھیں

ایک کوشش جو ہے اس کی اسے انجام تو دیں

اس کی خواہش پہ ذرا دیر کو ٹل کر دیکھیں

سعدؔ لوگوں سے توقع ہو تو کس بات پہ ہو

مونگ چھاتی پہ مرے روز وہ دل کر دیکھیں

kyun na ham soch ke sanche mein hi dhal kar dekhen

wo jo qaim hai to phir khud ko badal kar dekhen

go masafat hai kathin aur na rasta koi

lekin is hal mein achchha hai ke chal kar dekhen

ham mohabbat ko mukammal nahin zahir karte

wo hina barg ko chutki mein masal kar dekhen

zindagi maut mein makhfi hai yaqinan apni

misl-e-parwana chalo ham bhi to jal kar dekhen

ek koshish jo hai us ki use anjam to den

us ki khwahish pe zara der ko tal kar dekhen

saad logon se tawaqqo ho to kis bat pe ho

mung chhati pe mire roz wo dil kar dekhen