دشت کی پیاس بڑھانے کے لیے آئے تھے

دشت کی پیاس بڑھانے کے لیے آئے تھے

ابر بھی آگ لگانے کے لیے آئے تھے

ایسے لگتا ہے کہ ہم ہی سے کوئی بھول ہوئی

تم کسی اور زمانے کے لیے آئے تھے

اپنی پتھرائی ہوئی آنکھوں کو جھپکیں کیسے

جو ترا عکس چرانے کے لیے آئے تھے

موج در موج ہوا آب رواں قوس قزح

تارے آنکھوں میں نہانے کے لیے آئے تھے

لوگ کہتے ہی رہے سعدؔ بتاؤ کچھ تو

ہم کہ بس اشک بہانے کے لیے آئے تھے

dasht ki pyas barhane ke liye ae the

abr bhi ag lagane ke liye ae the

aise lagta hai ke ham hi se koi bhul hui

tum kisi aur zamane ke liye ae the

apni pathrai hui ankhon ko jhapken kaise

jo tira aks churane ke liye ae the

mauj dar mauj hua ab-e-rawan qaus-e-quzah

tare ankhon mein nahane ke liye ae the

log kahte hi rahe saad batao kuchh to

ham ke bas ashk bahane ke liye ae the