درد کو اشک بنانے کی ضرورت کیا تھی

درد کو اشک بنانے کی ضرورت کیا تھی

تھا جو اس دل میں دکھانے کی ضرورت کیا تھی

ہم نے جو کچھ بھی کیا اپنی محبت میں کیا

گو سمجھتے ہیں زمانے کی ضرورت کیا تھی

ہو جو چاہت تو ٹپک پڑتی ہے خود آنکھوں سے

اے مرے دوست بتانے کی ضرورت کیا تھی

اتنے حساس ہیں سانسوں سے پگھل جاتے ہیں

بجلیاں ہم پہ گرانے کی ضرورت کیا تھی

ایسے لگتا ہے کہ کمزور بہت ہے تو بھی

جیت کر جشن منانے کی ضرورت کیا تھی

dard ko ashk banane ki zarurat kiya thi

tha jo is dil mein dikhane ki zarurat kiya thi

ham ne jo kuchh bhi kiya apni mohabbat mein kiya

go samajhte hain zamane ki zarurat kiya thi

ho jo chahat to tapak parti hai khud ankhon se

ai mire dost batane ki zarurat kiya thi

itne hassas hain sanson se pighal jate hain

bijliyan ham pe girane ki zarurat kiya thi

aise lagta hai ke kamzor bahut hai tu bhi

jit kar jashn manane ki zarurat kiya thi