وہ بھی بگڑا، ہوئی رسوائی بھی

وہ بھی بگڑا، ہوئی رسوائی بھی

جان لیوا ہے شناسائی بھی

دل کی جانب جو چلی غم کی ہوا

لڑکھڑانے لگی تنہائی بھی

تھا مقابل جو مرے دوست مرا

مجھ کو اچھی لگی پسپائی بھی

کیوں اٹھاتے ہو ہمیں ہوتے ہیں

ہر تماشے میں تماشائی بھی

چاندنی ہاتھ پہ رکھ کر شب نے

ایک صورت مجھے دکھلائی بھی

سعدؔ کچھ بھی نہ بنے گر تجھ سے

ایک صورت ہے شکیبائی بھی

wo bhi bigra, hui ruswai bhi

jan lewa hai shanasai bhi

dil ki janib jo chali gham ki hawa

larkharane lagi tanhai bhi

tha muqabil jo mire dost mira

mujh ko achchhi lagi paspai bhi

kyun uthate ho hamen hote hain

har tamashe mein tamashai bhi

chandni hath pe rakh kar shab ne

ek surat mujhe dikhlai bhi

saad kuchh bhi na bane gar tujh se

ek surat hai shakebai bhi