کتنے ہی پیڑ خوف خزاں سے اجڑ گئے

کتنے ہی پیڑ خوف خزاں سے اجڑ گئے

کچھ برگ سبز وقت سے پہلے ہی جھڑ گئے

کچھ آندھیاں بھی اپنی معاون سفر میں تھیں

تھک کر پڑاؤ ڈالا تو خیمے اکھڑ گئے

اب کے مری شکست میں ان کا بھی ہاتھ ہے

وہ تیر جو کمان کے پنجے میں گڑ گئے

سلجھی تھیں گتھیاں مری دانست میں مگر

حاصل یہ ہے کہ زخموں کے ٹانکے اکھڑ گئے

نروان کیا بس اب تو اماں کی تلاش ہے

تہذیب پھیلنے لگی جنگل سکڑ گئے

اس بند گھر میں کیسے کہوں کیا طلسم ہے

کھولے تھے جتنے قفل وہ ہونٹوں پہ پڑ گئے

بے سلطنت ہوئی ہیں کئی اونچی گردنیں

باہر سروں کے دست تسلط سے دھڑ گئے

kitne hi per khauf-e-khizan se ujar gae

kuchh barg-e-sabz waqt se pahle hi jhar gae

kuchh andhiyan bhi apni muawin safar mein thin

thak kar parao dala to kheme ukhar gae

ab ke miri shikast mein un ka bhi hath hai

wo tir jo kaman ke panje mein gur gae

suljhi thin gutthiyan miri danist mein magar

hasil ye hai ke zakhmon ke tanke ukhar gae

nirwan kya bas ab to aman ki talash hai

tahzib phailne lagi jangal sakar gae

is band ghar mein kaise kahun kya tilism hai

khole the jitne qufl wo honton pe par gae

be saltanat hui hain kai unchi gardanen

bahar saron ke dast tasallut se dhar gae