یہ اور بات کہ رنگ بہار کم ہوگا

یہ اور بات کہ رنگ بہار کم ہوگا

نئی رتوں میں درختوں کا بار کم ہوگا

تعلقات میں آئی ہے بس یہ تبدیلی

ملیں گے اب بھی مگر انتظار کم ہوگا

میں سوچتا رہا کل رات بیٹھ کر تنہا

کہ اس ہجوم میں میرا شمار کم ہوگا

پلٹ تو آئے گا شاید کبھی یہی موسم

ترے بغیر مگر خوش گوار کم ہوگا

بہت طویل ہے آنسؔ یہ زندگی کا سفر

بس ایک شخص پہ دار و مدار کم ہوگا

ye aur bat ke rang-e-bahar kam hoga

nai ruton mein darakhton ka bar kam hoga

taalluqat mein ai hai bas ye tabdili

milenge ab bhi magar intizar kam hoga

main sochta raha kal rat baith kar tanha

ke is hujum mein mera shumar kam hoga

palat to aega shayad kabhi yahi mausam

tire baghair magar khush gawar kam hoga

bahut tawil hai anas ye zindagi ka safar

bas ek shakhs pe dar-o-madar kam hoga