اک کرب مسلسل کی سزا دیں تو کسے دیں

اک کرب مسلسل کی سزا دیں تو کسے دیں

مقتل میں ہیں جینے کی دعا دیں تو کسے دیں

پتھر ہیں سبھی لوگ کریں بات تو کس سے

اس شہر خموشاں میں صدا دیں تو کسے دیں

ہے کون کہ جو خود کو ہی جلتا ہوا دیکھے

سب ہاتھ ہیں کاغذ کے دیا دیں تو کسے دیں

سب لوگ سوالی ہیں سبھی جسم برہنہ

اور پاس ہے بس ایک ردا دیں تو کسے دیں

جب ہاتھ ہی کٹ جائیں تو تھامے گا بھلا کون

یہ سوچ رہے ہیں کہ عصا دیں تو کسے دیں

بازار میں خوشبو کے خریدار کہاں ہیں

یہ پھول ہیں بے رنگ بتا دیں تو کسے دیں

چپ رہنے کی ہر شخص قسم کھائے ہوئے ہے

ہم زہر بھرا جام بھلا دیں تو کسے دیں

ik karb-e-musalsal ki saza den to kise den

maqtal mein hain jine ki dua den to kise den

patthar hain sabhi log karen bat to kis se

is shahr-e-khamoshan mein sada den to kise den

hai kaun ke jo khud ko hi jalta hua dekhe

sab hath hain kaghaz ke diya den to kise den

sab log sawali hain sabhi jism barahna

aur pas hai bas ek rida den to kise den

jab hath hi kat jaen to thamega bhala kaun

ye soch rahe hain ke asa den to kise den

bazar mein khushbu ke kharidar kahan hain

ye phul hain be rang bata den to kise den

chup rahne ki har shakhs qasam khae hue hai

ham zahr bhara jam bhula den to kise den