وہ میرے حال پہ رویا بھی مسکرایا بھی

وہ میرے حال پہ رویا بھی مسکرایا بھی

عجیب شخص ہے اپنا بھی ہے پرایا بھی

یہ انتظار سحر کا تھا یا تمہارا تھا

دیا جلایا بھی میں نے دیا بجھایا بھی

میں چاہتا ہوں ٹھہر جائے چشم دریا میں

لرزتا عکس تمہارا بھی میرا سایا بھی

بہت مہین تھا پردہ لرزتی آنکھوں کا

مجھے دکھایا بھی تو نے مجھے چھپایا بھی

بیاض بھر بھی گئی اور پھر بھی سادہ ہے

تمہارے نام کو لکھا بھی اور مٹایا بھی

wo mere hal pe roya bhi muskuraya bhi

ajib shakhs hai apna bhi hai paraya bhi

ye intizar-e-sahar ka tha ya tumhara tha

diya jalaya bhi main ne diya bujhaya bhi

main chahta hun thahar jae chashm-e-dariya mein

larazta aks tumhara bhi mera saya bhi

bahut mahyun tha parda larazti ankhon ka

mujhe dikhaya bhi tu ne mujhe chhupaya bhi

bayaz bhar bhi gai aur phir bhi sada hai

tumhare nam ko likha bhi aur mitaya bhi