نشاط اس نے عجب قرب کی نچھاور کی

نشاط اس نے عجب قرب کی نچھاور کی

کھڑی تھی بیچ میں دیوار دل کے اندر کی

میں کرچیوں کی چبھن عمر بھر سمیٹوں گا

کہ دل نے شیشے پہ کھائی ہے چوٹ پتھر کی

حنائی شام در و بام تپ سے جاتے ہیں

کہاں اتارنے جاؤں تھکان دن بھر کی

کھڑی ہوئی مرے چاروں طرف ہیں دیواریں

نکل کے جائے گھٹن کس طرف سے اندر کی

میں جگنوؤں کے تعاقب میں صبح تک بھاگا

نظر میں پھیلی رہی تیرگی مقدر کی

ہوا کے ساتھ اترتی نہیں نشیبوں میں

زمیں سے کتنی ہے اونچی سطح سمندر کی

nishat us ne ajab qurb ki nichhawar ki

khari thi bich mein diwar dil ke andar ki

main kirchiyon ki chubhan umr bhar sametunga

ke dil ne shishe pe khai hai chot patthar ki

hinai sham dar-o-bam tap se jate hain

kahan utarne jaun thakan din bhar ki

khari hui mire charon taraf hain diwaren

nikal ke jae ghutan kis taraf se andar ki

main jugnuon ke taaqub mein subh tak bhaga

nazar mein phaili rahi tirgi muqaddar ki

hawa ke sath utarti nahin nashebon mein

zamin se kitni hai unchi sath samundar ki