گیتوں کا شہر ہے کہ نگر سوز و ساز کا

گیتوں کا شہر ہے کہ نگر سوز و ساز کا

قلب شکستہ اور یہ عالم گداز کا

چاروں طرف سجی ہیں دکانیں خلوص کی

چمکا ہے کاروبار ہر اک حیلہ ساز کا

وہ چاہے خواب ہو کہ حقیقت مگر کبھی

احساں اٹھائے گا نہ لباس مجاز کا

جس طرح چاہا جائے ہے چاہا نہیں ابھی

اندیشہ جان کھائے ہے افشائے راز کا

بہروپیا ہے کوئی پھرے ہے نگر نگر

قاتل کا روپ دھارے کبھی چارہ ساز کا

یوں ہنستے ہنستے دار فنا سے چلا ہے وہ

جیسے سفر نصیب ہو ارض حجاز کا

عابدؔ غموں کی دھوپ میں جلنا ہے چار دن

بس قصہ مختصر ہے یہ عمر دراز کا

giton ka shahr hai ke nagar soz-o-saz ka

qalb-e-shikasta aur ye alam gudaz ka

charon taraf saji hain dukanen khulus ki

chamka hai karobar har ik hila saz ka

wo chahe khwab ho ke haqiqat magar kabhi

ehsan uthaega na libas-e-majaz ka

jis tarah chaha jae hai chaha nahin abhi

andesha jan khae hai ifsha-e-raz ka

bahropiya hai koi phire hai nagar nagar

qatil ka rup dhare kabhi chara saz ka

yun hanste hanste dar-e-fana se chala hai wo

jaise safar nasib ho arz-e-hijaz ka

abid ghamon ki dhup mein jalna hai char din

bas qissa mukhtasar hai ye umr-e-daraz ka