کیسی کیسی راہ میں دیواریں کرتے ہیں حائل لوگ

کیسی کیسی راہ میں دیواریں کرتے ہیں حائل لوگ

پھر بھی منزل پا لیتے ہیں ہم جیسے زندہ دل لوگ

وہ دیکھو ساگر گرجا طوفان اٹھا نیا ڈوبی

اور تماشہ دیکھ رہے ہیں بیٹھے ساحل ساحل لوگ

بزم سجا کر بھینٹ کیے ہیں ہمدردی کے چند الفاظ

میرا دکھڑا بانٹ رہے ہیں میرے غم میں شامل لوگ

بستی بستی گھوم رہے ہیں بھیڑ بھرے چوراہوں پر

اجلے اجلے پہناؤں میں چہرے بدلے قاتل لوگ

ٹوٹ چلیں گی سب آشائیں تب ہی جیون راس آئے گا

کچھ دن اور کسیں گے ہم پر طعنے محفل محفل لوگ

کتنی امیدوں کی شمعیں جلتے ہی بجھ جاتی ہیں

اب بھی ان چاہے چھاتی پر دھر ہی دیتے ہیں سل لوگ

برف کے آئینہ خانوں میں شعلوں کا سنگار کریں گے

ایوانوں میں عیش منا کر تڑپیں گے پتھر دل لوگ

kaisi kaisi rah mein diwaren karte hain hail log

phir bhi manzil pa lete hain ham jaise zinda dil log

wo dekho sagar garja tufan utha naya dubi

aur tamasha dekh rahe hain baithe sahil sahil log

bazm saja kar bhent kiye hain hamdardi ke chand alfaz

mera dukhra bant rahe hain mere gham mein shamil log

basti basti ghum rahe hain bhir bhare chaurahon par

ujle ujle pahnaon mein chehre badle qatil log

tut chalengi sab ashaen tab hi jiwan ras aega

kuchh din aur kasenge ham par taane mahfil mahfil log

kitni ummidon ki shamen jalte hi bujh jati hain

ab bhi an chahe chhati par dhar hi dete hain sil log

barf ke aina khanon mein sholon ka singar karenge

aiwanon mein aish mana kar tarpenge patthar dil log