یہ ہے آب رواں نہ ٹھہرے گا

یہ ہے آب رواں نہ ٹھہرے گا

عمر کا کارواں نہ ٹھہرے گا

چھوڑ دی ہے جگہ ستونوں نے

سر پہ اب سائباں نہ ٹھہرے گا

ریت پر ہے اثر ہواؤں کا

کوئی نام و نشاں نہ ٹھہرے گا

ہر قدم جو تمہاری سمت اٹھا

سعیٔ رائیگاں نہ ٹھہرے گا

مرحلہ آ گیا تصادم کا

فاصلہ درمیاں نہ ٹھہرے گا

دل کا سودا ہے کار دل داراں

فرق سود و زیاں نہ ٹھہرے گا

کیوں سناتے ہو سب کو حال اپنا

ہر کوئی راز داں نہ ٹھہرے گا

چھوڑ دے گی زمین محور کو

مستقل آسماں نہ ٹھہرے گا

اپنی آنکھوں میں آج اسے بھر لو

دیر تک یہ سماں نہ ٹھہرے گا

جز تیری محفلوں کے اور کہیں

عابدؔ ناتواں ٹھہرے ٹھہرے گا

ye hai ab-e-rawan na thahrega

umr ka karwan na thahrega

chhor di hai jagah sutunon ne

sar pe ab saiban na thahrega

ret par hai asar hawaon ka

koi nam-o-nishan na thahrega

har qadam jo tumhari samt utha

sai-e-raigan na thahrega

marhala a gaya tasadum ka

fasla darmiyan na thahrega

dil ka sauda hai kar dil daran

farq sud-o-ziyan na thahrega

kyun sunate ho sab ko hal apna

har koi raz dan na thahrega

chhor degi zamin-e-mehwar ko

mustaqil asman na thahrega

apni ankhon mein aj use bhar lo

der tak ye saman na thahrega

juz teri mahfilon ke aur kahin

abid natawan thahre thahrega