پردیس میں ہوں اور گھنی تیرگی تو ہے

پردیس میں ہوں اور گھنی تیرگی تو ہے

پر مطمئن ہوں رات ترے شہر کی تو ہے

دھرتی پہ آ رہیں گی ابھی سب بلندیاں

چٹان دھیرے دھیرے کھسکنے لگی تو ہے

اس کا تو غم نہیں کہ مخالف سبھی ہوئے

چبھتی ہوئی سی بات بھی ہم نے کہی تو ہے

پھیلا کے ہاتھ پیر نہ سو جائے چاندنی

ساحل ہے رت جوان ہے اور رات بھی تو ہے

کھولو نہ کھڑکیاں کہ سویرا نہیں ہوا

بجھتے ہوئے دئے ہیں ابھی روشنی تو ہے

تنہائی میں یہ کون ہے چونکا گیا مجھے

وہ آدمی نہیں نہ سہی پر کوئی تو ہے

pardes mein hun aur ghani tirgi to hai

par mutmain hun rat tire shahr ki to hai

dharti pe a rahengi abhi sab bulandiyan

chatan dhire dhire khisakne lagi to hai

us ka to gham nahin ke mukhalif sabhi hue

chubhti hui si bat bhi ham ne kahi to hai

phaila ke hath pir na so jae chandni

sahil hai rut jawan hai aur rat bhi to hai

kholo na khirkiyan ke sawera nahin hua

bujhte hue diye hain abhi raushni to hai

tanhai mein ye kaun hai chaunka gaya mujhe

wo admi nahin na sahi par koi to hai