میں اپنے جسم میں کچھ اس طرح سے بکھرا ہوں

میں اپنے جسم میں کچھ اس طرح سے بکھرا ہوں

کہ یہ بھی کہہ نہیں سکتا میں کون ہوں کیا ہوں

انہیں خوشی ہے اسی بات سے کہ زندہ ہوں

میں ان کی دائیں ہتھیلی کی ایک ریکھا ہوں

میں پی گیا ہوں کئی آنسوؤں کے سیل رواں

میں اپنے دل کو سمندر بنائے بیٹھا ہوں

وہ میرے دوست جو ایک ایک کر کے دور ہوئے

میں ان کو آج بھی اپنے قریب پاتا ہوں

محیط کرنے کی کوشش فضول ہے مجھ کو

ندی کا چھور نہیں ہوں میں بہتا دریا ہوں

مجھی پہ پھینکے ہے پتھر جو کوئی آتا ہے

کہ جیسے میں تری کھڑکی کا کوئی شیشہ ہوں

main apne jism mein kuchh is tarah se bikhra hun

ke ye bhi kah nahin sakta main kaun hun kiya hun

unhen khushi hai isi bat se ke zinda hun

main un ki daen hatheli ki ek rekha hun

main pi gaya hun kai ansuon ke sail-e-rawan

main apne dil ko samundar banae baitha hun

wo mere dost jo ek ek kar ke daur hue

main un ko aj bhi apne qarib pata hun

muhit karne ki koshish fuzul hai mujh ko

nadi ka chhaur nahin hun main bahta dariya hun

mujhi pe phenke hai patthar jo koi ata hai

ke jaise main tiri khirki ka koi shisha hun