کہاں احسان میری ذات پر تقدیر کا ہوگا

کہاں احسان میری ذات پر تقدیر کا ہوگا

ہوا گر کچھ مرے حق میں صلہ تدبیر کا ہوگا

مری ہر شب گزر جاتی ہے اکثر اس تمنا میں

کوئی تو خواب میری اس نئی تعبیر کا ہوگا

بزرگوں کا بھی سایہ اب تو سر سے چھن گیا اپنے

کہ یہ بھی حادثہ لکھا مری تقدیر کا ہوگا

سبھی اوراق کہنے کو تو ہم نے کر لئے ہیں پر

تم آؤ تو اضافہ اک نئی تحریر کا ہوگا

دلاسہ دونوں جانب سے نئی نسلوں کو ملتا ہے

نہ جانے مسئلہ کب حل مگر کشمیر کا ہوگا

وہ جن باتوں سے اب تک منحرف ہوتے رہے سیفیؔ

وہی عنواں ہماری آج پھر تقریر کا ہوگا

kahan ehsan meri zat par taqdir ka hoga

hawa gar kuchh mire haq mein sila tadbir ka hoga

miri har shab guzar jati hai aksar is tamanna mein

koi to khwab meri is nai taabir ka hoga

buzurgon ka bhi saya ab to sar se chhin gaya apne

ke ye bhi hadisa likha miri taqdir ka hoga

sabhi auraq kahne ko to ham ne kar liye hain par

tum ao to izafa ik nai tahrir ka hoga

dilasa donon janib se nai naslon ko milta hai

na jane masala kab hal magar kashmir ka hoga

wo jin baton se ab tak munharif hote rahe saifi

wahi unwan hamari aj phir taqrir ka hoga