ادھورا اپنی ہی زندگی کا حساب ٹھہرا

ادھورا اپنی ہی زندگی کا حساب ٹھہرا

جو چاہے پڑھ لے ہمارا چہرا کتاب ٹھہرا

سنا تھا کانوں سے جو بھی اس نے وہ سب حقیقت

ہماری آنکھوں نے جو بھی دیکھا وہ خواب ٹھہرا

اکٹھا زر کر لیا ہے اس نے بھی اپنے گھر میں

رذیل جتنا تھا اتنا عزت مآب ٹھہرا

سنا ہے میں نے وہ شخص بھی بن گیا ہے اچھا

ملوں گا کیسے کہ میں تو آخر خراب ٹھہرا

غریب ہر کوئی ناچتا ہے انہیں کی دھن پر

یہ دست اہل عرب میں کیسا رباب ٹھہرا

کیا ہے احسان موت نے دی نجات مجھ کو

شکایتوں کا بھی ختم سیفیؔ لو باب ٹھہرا

adhura apni hi zindagi ka hisab thahra

jo chahe parh le hamara chehra kitab thahra

suna tha kanon se jo bhi us ne wo sab haqiqat

hamari ankhon ne jo bhi dekha wo khwab thahra

ikattha zar kar liya hai us ne bhi apne ghar mein

razil jitna tha itna izzat mab thahra

suna hai main ne wo shakhs bhi ban gaya hai achchha

milunga kaise ke main to akhir kharab thahra

gharib har koi nachta hai unhen ki dhun par

ye dast-e-ahl-e-arab mein kaisa rabab thahra

kya hai ehsan maut ne di najat mujh ko

shikayaton ka bhi khatm saifi lo bab thahra