فرشتوں جیسے دنیا میں بشر جلدی نہیں آتے

فرشتوں جیسے دنیا میں بشر جلدی نہیں آتے

کہ سچائی کے حامی بھی نظر جلدی نہیں آتے

تلاش رزق میں کچھ اس قدر مصروف رہتا ہوں

مری بچی یہ کہتی ہے کہ گھر جلدی نہیں آتے

نہ غم کا غم ہے مجھ کو اب نہ خوشیوں کی خوشی مجھ کو

اب آنکھوں میں بھی اشکوں کے گہر جلدی نہیں آتے

ہمیشہ دھند سی کیوں چھائی رہتی ہے فضاؤں میں

فلک پر اب ستارے بھی نظر جلدی نہیں آتے

ہمارے رہنما اکثر کریں دعویٰ خدائی کا

سیاست کے شجر پر اب ثمر جلدی نہیں آتے

بہ مشکل سانس لیتے ہیں مکاں اونچے بنے اتنے

کہ جھونکے بھی ہواؤں کے ادھر جلدی نہیں آتے

farishton jaise duniya mein bashar jaldi nahin ate

ke sachchai ke hami bhi nazar jaldi nahin ate

talash-e-rizq mein kuchh is qadar masruf rahta hun

miri bachi ye kahti hai ke ghar jaldi nahin ate

na gham ka gham hai mujh ko ab na khushiyon ki khushi mujh ko

ab ankhon mein bhi ashkon ke guhar jaldi nahin ate

hamesha dhund si kyun chhai rahti hai fazaon mein

falak par ab sitare bhi nazar jaldi nahin ate

hamare rahnuma aksar karen daawa khudai ka

siyasat ke shajar par ab samar jaldi nahin ate

ba mushkil sans lete hain makan unche bane itne

ke jhonke bhi hawaon ke idhar jaldi nahin ate