کبھی ڈھلتے ہوئے سورج کا منظر ہی نہیں دیکھا

کبھی ڈھلتے ہوئے سورج کا منظر ہی نہیں دیکھا

ترے دل سے پرے میں نے گزر کر ہی نہیں دیکھا

بتاؤں کیا گزرتی ہے مرے بچوں کے ذہنوں پر

ہوئی مدت تلاش رزق میں گھر ہی نہیں دیکھا

میں آئینہ سدا رکھتا ہوں مستقبل کے منظر کا

کبھی ماضی کی جانب میں نے مڑ کر ہی نہیں دیکھا

نہ ساحل پر نہ کشتی پر کوئی تہمت رکھی میں نے

تھا ڈر دل میں تلاطم کا سمندر ہی نہیں دیکھا

کمی شاید ہے قسمت کی کہ آنکھوں نے مری اب تک

جسے الماس کہتے ہیں وہ پتھر ہی نہیں دیکھا

kabhi dhalte hue suraj ka manzar hi nahin dekha

tire dil se pare main ne guzar kar hi nahin dekha

bataun kya guzarti hai mire bachchon ke zehnon par

hui muddat talash-e-rizq mein ghar hi nahin dekha

main aina sada rakhta hun mustaqbil ke manzar ka

kabhi mazi ki janib main ne mur kar hi nahin dekha

na sahil par na kashti par koi tohmat rakhi main ne

tha dar dil mein talatum ka samundar hi nahin dekha

kami shayad hai qismat ki ke ankhon ne miri ab tak

jise almas kahte hain wo patthar hi nahin dekha