یقیناً رنگ لائے گی دعا آہستہ آہستہ

یقیناً رنگ لائے گی دعا آہستہ آہستہ

کرے گا بے وفا بھی اب وفا آہستہ آہستہ

گناہوں کی وبا سے بھی نہیں شرمندہ یہ عالم

اتارے گا عذاب اپنے خدا آہستہ آہستہ

سبھی زخموں کو اس نے پھر ہمارے کر دیا تازہ

چلی ہے آج یوں باد صبا آہستہ آہستہ

میں کیسے سکتے میں آخر کھڑا ہوں بیچ رستے میں

کوئی دیتا ہے پھر مجھ کو صدا آہستہ آہستہ

نہ چھوڑو ہاتھ سے کچھ دن ابھی اور صبر کا دامن

پہنچتی ہے فلک پر بھی دعا آہستہ آہستہ

یہاں میزائلوں کی بارشیں ہونے لگیں سیفیؔ

یہ دنیا ہو ہی جائے گی فنا آہستہ آہستہ

yaqinan rang laegi dua ahista ahista

karega be wafa bhi ab wafa ahista ahista

gunahon ki waba se bhi nahin sharminda ye alam

utarega azab apne khuda ahista ahista

sabhi zakhmon ko us ne phir hamare kar diya taza

chali hai aj yun bad-e-saba ahista ahista

main kaise sakte mein akhir khara hun bich raste mein

koi deta hai phir mujh ko sada ahista ahista

na chhoro hath se kuchh din abhi aur sabr ka daman

pahunchti hai falak par bhi dua ahista ahista

yahan mizailon ki barishen hone lagen saifi

ye duniya ho hi jaegi fana ahista ahista