وہ ایسے پیش آیا مجھ سے جیسے جانتا نہیں

وہ ایسے پیش آیا مجھ سے جیسے جانتا نہیں

اگرچہ نام اس کا میں کبھی بھی بھولتا نہیں

یہ دل بھی ہے کے اس کی بے وفائی مانتا نہیں

مگر سوائے اس کے اب کسی سے رابطہ نہیں

وہ جادوگر ہے لفظوں کا تو اس سے دور رہنا سیکھ

اس آدمی کے بارے میں ابھی تو جانتا نہیں

مقدر اپنا گر بچھڑنا ہی ہوا تو ٹھیک ہے

میری نظر میں اب بچھڑنا کوئی حادثہ نہیں

یہاں تو غم کی بولیاں لگائی جاتی ہیں میاں

تمہارے درد سے یہاں کوئی بھی آشنا نہیں

کہ میرا خواب بھی ہے وہ مرا خیال بھی ہے وہ

یہ سچ ہے غازیؔ بھول کر بھی اس کو بھولتا نہیں

wo aise pesh aya mujh se jaise janta nahin

agarche nam us ka main kabhi bhi bhulta nahin

ye dil bhi hai ke us ki be wafai manta nahin

magar siwae us ke ab kisi se rabta nahin

wo jadugar hai lafzon ka to us se dur rahna sikh

us admi ke bare mein abhi to janta nahin

muqaddar apna gar bichharna hi hua to thik hai

meri nazar mein ab bichharna koi hadisa nahin

yahan to gham ki boliyan lagai jati hain miyan

tumhare dard se yahan koi bhi ashna nahin

ke mera khwab bhi hai wo mira khayal bhi hai wo

ye sach hai ghazi bhul kar bhi us ko bhulta nahin