اس کا لہجہ ایسا جیسے ماچس کی اک تیلی سی

اس کا لہجہ ایسا جیسے ماچس کی اک تیلی سی

دل پہ سیدھے لگ جاتی ہے اس کی بات نکیلی سی

سوکھے سوکھے لب ہیں اس کے اس کی پلکیں گیلی سی

جانے کیسا درد ملا ہے آنکھیں ہیں پتھریلی سی

عریانی کا رقص ہے جاری بس ایک بٹن دباتے ہی

نسل نو دیکھے جاتی ہے فلمیں نیلی نیلی سی

اس رستے پہ چلنا بے حد مشکل بے حد مشکل ہے

سچائی کی راہ ہے یارو راہ بھی وہ پتھریلی سی

سستی ہے بے حد یہ جاں بچ کے رہنا جان جاں

جانے کیسی ہوا چلی ہے سانسیں ہیں زہریلی سی

us ka lahja aisa jaise machis ki ik teli si

dil pe sidhe lag jati hai us ki bat nukili si

sukhe sukhe lab hain us ke us ki palken gili si

jane kaisa dard mila hai ankhen hain pathrili si

uryani ka raqs hai jari bas ek batan dabate hi

nasl-e-nau dekhe jati hai filmen nili nili si

is raste pe chalna be had mushkil be had mushkil hai

sachchai ki rah hai yaro rah bhi wo pathrili si

sasti hai be had ye jan bach ke rahna jan-e-jan

jane kaisi hawa chali hai sansen hain zahrili si