مجھ کو کہتا ہے مسکرانے کو

مجھ کو کہتا ہے مسکرانے کو

جانے کیا ہو گیا زمانے کو

مجھ کو طوفان کیا ڈبو سکتا

دل ہی چاہا تھا ڈوب جانے کو

اپنی ہی داستاں سمجھ بیٹھی

سن کے دنیا مرے فسانے کو

بزم میں تیری ہم چلے آئے

از سر نو فریب کھانے کو

ہم جھکا کر جبین شوق اپنی

خود بلا لیں گے آستانہ کو

ہم چھڑکتے رہے لہو اپنا

آشیاں میں بہار لانے کو

تری یادوں نے رہروی کی ہے

جب بھی چاہا تجھے بھلانے کو

اشک بن کر چراغ آتے ہیں

مری پلکوں پہ جگمگانے کو

میں سحر بن کے آ گیا ہوں سحرؔ

دہر سے تیرگی مٹانے کو

mujh ko kahta hai muskurane ko

jane kya ho gaya zamane ko

mujh ko tufan kya dubo sakta

dil hi chaha tha dub jane ko

apni hi dastan samajh baithi

sun ke duniya mire fasane ko

bazm mein teri ham chale ae

az sar-e-nau fareb khane ko

ham jhuka kar jabin-e-shauq apni

khud bala lenge astana ko

ham chhirakte rahe lahu apna

ashiyan mein bahar lane ko

tiri yadon ne rahrawi ki hai

jab bhi chaha tujhe bhulane ko

ashk ban kar charagh ate hain

miri palkon pe jagmagane ko

main sahar ban ke a gaya hun sahar

dahr se tirgi mitane ko