مہتاب فضا کے آئنے میں

مہتاب فضا کے آئنے میں

دیکھا تھا خدا کے آئنے میں

تم خواب سے دو قدم نکل کر

چھپ جاؤ دعا کے آئنے میں

گہرائیاں ناپتا رہوں گا

دیکھوں گا خلا کے آئنے میں

اس پیڑ کا ڈر بتا رہا ہے

طوفان‌ ہوا کے آئنے میں

چہرا ہے مگر طلسم جیسا

چھپ جائے ڈرا کے آئنے میں

چل خواب سمیت ڈوب جائیں

پوشاک ہٹا کے آئنے میں

میں کاش ستارے پینٹ کر لوں

افلاک بنا کے آئنے میں

mahtab faza ke aine mein

dekha tha khuda ke aine mein

tum khwab se do qadam nikal kar

chhup jao dua ke aine mein

gahraiyan napta rahunga

dekhunga khala ke aine mein

is per ka dar bata raha hai

tufan hawa ke aine mein

chehra hai magar tilism jaisa

chhup jae dara ke aine mein

chal khwab samet dub jaen

poshak hata ke aine mein

main kash sitare pent kar lun

aflak bana ke aine mein