مٹی سے جو جڑے تھے وہ جذبات لے لئے

مٹی سے جو جڑے تھے وہ جذبات لے لئے

ہجرت نے کھیت اور مرے باغات لے لئے

پڑھ کر درود گھر سے سفر کو میں چل پڑا

نام نبی نے راہ کے خدشات لے لئے

میں اک ہنر کے شہر کا فرزند خاص تھا

غربت نے میرے سارے کمالات لے لئے

شرم و حیا گھروں سے مٹانے کے ساتھ ساتھ

ٹی وی نے مسجدوں کے بھی اوقات لے لئے

دولت کی میں ہوس میں ہوا پر سوار تھا

شہرت نے میرے ارض و سماوات لے لئے

قوموں کو با شعور بنانے کے ساتھ ہی

تعلیم نے قدیم رسومات لے لئے

پھر دوستوں کی صف میں کوئی زلزلہ نہ ہو

غیبت کدوں نے میرے بیانات لے لئے

دیدارؔ چار مصرعوں پہ تھا اکتفا مرا

mitti se jo jure the wo jazbat le liye

hijrat ne khet aur mire baghat le liye

parh kar durud ghar se safar ko main chal para

nam-e-nabi ne rah ke khadshat le liye

main ik hunar ke shahr ka farzand khas tha

ghurbat ne mere sare kamalat le liye

sharm-o-haya gharon se mitane ke sath sath

ti wi ne masjidon ke bhi auqat le liye

daulat ki main hawas mein hawa par sawar tha

shohrat ne mere arz-o-samawat le liye

qaumon ko ba shuur banane ke sath hi

taalim ne qadim rusumat le liye

phir doston ki saf mein koi zalzala na ho

ghibat kadon ne mere bayanat le liye

didar char misron pe tha iktifa mira