ہمارے زخم کا بھرنا بہت ضروری ہے

ہمارے زخم کا بھرنا بہت ضروری ہے

اب اقتدار میں حصہ بہت ضروری ہے

لہو ہمارا بہت بہ چکا ہے دھرتی پر

اب انقلاب کا آنا بہت ضروری ہے

بدن پہ خوب ہے پردے کا اہتمام مگر

نظر میں شرم کا پردہ بہت ضروری ہے

بہت زیادہ خوشی بھی مزہ نہیں دیتی

دلوں سے درد کا رشتہ بہت ضروری ہے

جو چاہتے ہو محبت میں پختگی آئے

کسی سے مل کے بچھڑنا بہت ضروری ہے

مرے بغیر ترا ذکر نامکمل ہے

دئے کی لو پہ پتنگا بہت ضروری ہے

جلا رہا ہے گھروں کو جو بے سبب دیدارؔ

اب اس چراغ کا بجھنا بہت ضروری ہے

hamare zakhm ka bharna bahut zaruri hai

ab iqtidar mein hissa bahut zaruri hai

lahu hamara bahut ba chuka hai dharti par

ab inqilab ka ana bahut zaruri hai

badan pe khub hai parde ka ehtimam magar

nazar mein sharm ka parda bahut zaruri hai

bahut ziyada khushi bhi maza nahin deti

dilon se dard ka rishta bahut zaruri hai

jo chahte ho mohabbat mein pukhtagi ae

kisi se mil ke bichharna bahut zaruri hai

mire baghair tira zikr namukammal hai

diye ki lau pe patanga bahut zaruri hai

jala raha hai gharon ko jo be sabab didar

ab is charagh ka bujhna bahut zaruri hai