اب شکایت کیا کریں گزرے ہوئے طوفان سے
Deedar Bastawiاب شکایت کیا کریں گزرے ہوئے طوفان سے
روشنی آنے لگی ہے پھر سے روشن دان سے
خواہشوں کی ارتھیاں اب تو اٹھیں گی شان سے
دل لگا بیٹھی ہے میری مفلسی دھنوان سے
چھو گیا جو بھول سے ان کے دوپٹے کا سرا
خوشبوئیں آنے لگیں سوکھے ہوئے گلدان سے
ذہن پر دنیا کی لالچ پھر سے حاوی ہو گئی
دے کے مٹی میں ابھی لوٹا تھا قبرستان سے
گر وفاداری کی خواہش ہے تو کتے پال لے
مت وفا کی آس رکھ اس دور کے انسان سے
شرط یہ ہے کچھ زمیں بونے کی خاطر تو ملے
جیت لوں گا میں جہاں کو ایک مٹھی دھان سے
چھیڑتی ہے یاد تیری جب مجھے پچھلے پہر
رونے لگتا ہوں میں لگ کے میرؔ کے دیوان سے
جن کو ہو جام شہادت کی طلب دیدارؔ پھر
وہ نہیں آتے پلٹ کر جنگ کے میدان سے
ab shikayat kya karen guzre hue tufan se
raushni ane lagi hai phir se raushan dan se
khwahishon ki arthiyan ab to uthengi shan se
dil laga baithi hai meri muflisi dhanwan se
chhu gaya jo bhul se un ke dupatte ka sara
khushbuen ane lagen sukhe hue guldan se
zehn par duniya ki lalach phir se hawi ho gai
de ke mitti mein abhi lauta tha qabristan se
gar wafadari ki khwahish hai to kutte pal le
mat wafa ki as rakh is daur ke insan se
shart ye hai kuchh zamin bone ki khatir to mile
jit lunga mein jahan ko ek mutthi dhan se
chherti hai yad teri jab mujhe pichhle pahar
rone lagta hun main lag ke mir ke diwan se
jin ko ho jam-e-shahadat ki talab didar phir
wo nahin ate palat kar jang ke maidan se