ٹھوکریں ووٹوں کے بدلے میں اناڑی لے گیا

ٹھوکریں ووٹوں کے بدلے میں اناڑی لے گیا

مال و دولت سب سیاست کا کھلاڑی لے گیا

مغربی تہذیب کا حملہ ہوا کچھ اس طرح

سر سے ٹوپی اور پھر چہرے سے داڑھی لے گیا

میں تھا محو شوق اسٹیشن کے ویٹنگ روم میں

کوئی اپنے ساتھ میری ریل گاڑی لے گیا

دوسرے کھیلوں میں لڑکے جوتیاں گھستے رہے

سارا پیسہ ایک کرکٹ کا کھلاڑی لے گیا

ٹال کر بہنوں کو اگلی عید کے وعدے پہ وہ

اپنی بیوی کے لئے ریشم کی ساڑی لے گیا

میرؔ و غالبؔ دفتر اردو میں ننگے ہو گئے

کوڑیوں کے بھاؤ میں سب کو کباڑی لے گیا

مہنگے انجکشن دوا کی گولیاں اور بوتلیں

مختصر سا زخم دو دن کی دہاڑی لے گیا

میں کھڑا تکتا رہا دیدارؔ حسرت سے انہیں

فیملی کو لنچ پہ جب مارواڑی لے گیا

thokaren woton ke badle mein anari le gaya

mal-o-daulat sab siyasat ka khilari le gaya

maghribi tahzib ka hamla hua kuchh is tarah

sar se topi aur phir chehre se darhi le gaya

main tha mahw-e-shauq isteshan ke witang rom mein

koi apne sath meri rel gari le gaya

dusre khelon mein larke jutiyan ghiste rahe

sara paisa ek kirkit ka khilari le gaya

tal kar bahnon ko agli eid ke waade pe wo

apni biwi ke liye resham ki sari le gaya

mir-o-ghalib daftar-e-urdu mein nange ho gae

kauriyon ke bhao mein sab ko kabari le gaya

mahnge injakshan dawa ki goliyan aur botalen

mukhtasar sa zakhm do din ki dauri le gaya

main khara takta raha didar hasrat se unhen

faimili ko lanch pe jab marwari le gaya