روٹھنا چاہو تو اب ہرگز منانے کا نہیں

روٹھنا چاہو تو اب ہرگز منانے کا نہیں

دل کو مائل کر لیا آنسو بہانے کا نہیں

راستے دھندلا گئے ہیں روشنی والو سنو

وعدہ جلنے کا کیا تھا ٹمٹمانے کا نہیں

کشتیاں منجدھار میں ہیں ناخدا ناراض ہیں

آسمانوں سے کہو بجلی گرانے کا نہیں

کب ڈھلے گی شام غم کب ختم ہوگا ظلم‌ و جبر

زندگی انساں کی ہے عنواں فسانے کا نہیں

لو چلے جاتے ہیں خالی ہاتھ دنیا سے امیدؔ

یاد کر لینا عزیزو بھول جانے کا نہیں

ruthna chaho to ab hargiz manane ka nahin

dil ko mail kar liya ansu bahane ka nahin

raste dhundla gae hain raushni walo suno

waada jalne ka kya tha timtimane ka nahin

kashtiyan manjdhar mein hain nakhuda naraz hain

asmanon se kaho bijli girane ka nahin

kab dhalegi sham-e-gham kab khatm hoga zulm-o-jabr

zindagi insan ki hai unwan fasane ka nahin

lo chale jate hain khali hath duniya se umid

yad kar lena azizo bhul jane ka nahin