لوگ جب جب تری آنکھوں میں خدا دیکھتے ہیں

لوگ جب جب تری آنکھوں میں خدا دیکھتے ہیں

ہم در مکر سبھی خلق پہ وا دیکھتے ہیں

چند پیسوں کے سوا حسن و تکلف کے بنا

اور اب عشق و خرابات میں کیا دیکھتے ہیں

عشق میں کیسی روایت ہے کہ سب کے عاشق

درد خود دیتے ہیں پھر سوئے دوا دیکھتے ہیں

خواہ مخواہ دیتے ہیں دشنام زمانے والے

جب بھی مجنوں کسی لیلیٰ پہ فدا دیکھتے ہیں

وصل کے بعد ملی ہجر کی اس وحشت میں

ہم کبھی تم کو کبھی باد صبا دیکھتے ہیں

log jab jab tiri ankhon mein khuda dekhte hain

ham dar-e-makr sabhi khalq pe wa dekhte hain

chand paison ke siwa husn-o-takalluf ke bina

aur ab ishq-o-kharabat mein kya dekhte hain

ishq mein kaisi riwayat hai ke sab ke ashiq

dard khud dete hain phir su-e-dawa dekhte hain

khwah makhwah dete hain dushnam zamane wale

jab bhi majnun kisi laila pe fida dekhte hain

wasl ke baad mili hijr ki is wahshat mein

ham kabhi tum ko kabhi bad-e-saba dekhte hain