کیوں ظلم ڈھا رہا ہوں میں اپنے وجود پر

کیوں ظلم ڈھا رہا ہوں میں اپنے وجود پر

کیچڑ اچھالتا ہوں میں اپنے وجود پر

انکار کر کے خود ہی میں اپنے وجود کا

غصہ اتارتا ہوں میں اپنے وجود پر

کیا چاہتا ہوں خود سے مجھے خود نہیں پتا

اور طعن چھوڑتا ہوں میں اپنے وجود پر

ڈر ہے کوئی چرا نہ لے مجھ سے کبھی مجھے

پہرے لگا رہا ہوں میں اپنے وجود پر

کر کے خود اپنے سارے ثبوتوں کو مسترد

انگلی اٹھا رہا ہوں میں اپنے وجود پر

نایابؔ مجھ سے فیض اٹھاتا ہے ہر کوئی

کب داغ بد نما ہوں میں اپنے وجود پر

kyun zulm dha raha hun main apne wajud par

kichar uchhalta hun main apne wajud par

inkar kar ke khud hi main apne wajud ka

ghussa utarta hun main apne wajud par

kya chahta hun khud se mujhe khud nahin pata

aur taan chhorta hun main apne wajud par

dar hai koi chura na le mujh se kabhi mujhe

pahre laga raha hun main apne wajud par

kar ke khud apne sare subuton ko mustarad

ungli utha raha hun main apne wajud par

nayab mujh se faiz uthata hai har koi

kab dagh bad numa hun main apne wajud par