اب اگر اور چپ رہوں گا میں

اب اگر اور چپ رہوں گا میں

پھر یہ طے ہے کہ پھٹ پڑوں گا میں

ایک ایسا بھی وقت آئے گا

تم سنو گے فقط کہوں گا میں

ناز اٹھاؤں گا ناز اٹھانے تک

تیرے آگے نہیں بچھوں گا میں

دیکھنا تیری رہبری کے بغیر

اپنی منزل تلاش لوں گا میں

تم کو جانا ہے شوق سے جاؤ

اب خوشامد نہیں کروں گا میں

جب کبھی تجھ سے سامنا ہوگا

اجنبی کی طرح ملوں گا میں

کیا سبب ہے مری خموشی کا

شور تھمنے دو پھر کہوں گا میں

آئنہ رکھ کے سامنے نایابؔ

پاگلوں کی طرح ہنسوں گا میں

ab agar aur chup rahunga mein

phir ye tai hai ke phat parunga mein

ek aisa bhi waqt aega

tum sunoge faqat kahunga mein

naz uthaunga naz uthane tak

tere age nahin bichhunga mein

dekhna teri rahbari ke baghair

apni manzil talash lunga mein

tum ko jana hai shauq se jao

ab khushamad nahin karunga mein

jab kabhi tujh se samna hoga

ajnabi ki tarah milunga mein

kya sabab hai miri khamoshi ka

shor thamne do phir kahunga mein

aina rakh ke samne nayab

pagalon ki tarah hansunga mein