اچھا ہوں یا برا ہوں مجھے کچھ نہیں پتا

اچھا ہوں یا برا ہوں مجھے کچھ نہیں پتا

نظروں میں تیرے کیا ہوں مجھے کچھ نہیں پتا

کیا تجھ میں ڈھونڈھتا ہوں مجھے کچھ نہیں پتا

میں تیرا ہو گیا ہوں مجھے کچھ نہیں پتا

آگاہ ہوں میں منزل مقصود سے مگر

کس سمت جا رہا ہوں مجھے کچھ نہیں پتا

آواز دے رہا ہے مجھے کون بار بار

کس کے لیے رکا ہوں مجھے کچھ نہیں پتا

اتنا مجھے پتا ہے تمہیں ہوں عزیز میں

لیکن تمہارا کیا ہوں مجھے کچھ نہیں پتا

دیمک کی طرح چاٹ رہا ہے جو کون ہے

کس غم میں گھل رہا ہوں مجھے کچھ نہیں پتا

میں خوب جانتا ہوں یہ منزل نہیں مری

آ کر کہاں رکا ہوں مجھے کچھ نہیں پتا

رہتا ہوں کس خیال میں نایابؔ ان دنوں

کیا کیا میں سوچتا ہوں مجھے کچھ نہیں پتا

achchha hun ya bura hun mujhe kuchh nahin pata

nazron mein tere kya hun mujhe kuchh nahin pata

kya tujh mein dhundhta hun mujhe kuchh nahin pata

main tera ho gaya hun mujhe kuchh nahin pata

agah hun main manzil-e-maqsud se magar

kis samt ja raha hun mujhe kuchh nahin pata

awaz de raha hai mujhe kaun bar bar

kis ke liye ruka hun mujhe kuchh nahin pata

itna mujhe pata hai tumhen hun aziz mein

lekin tumhara kya hun mujhe kuchh nahin pata

dimak ki tarah chat raha hai jo kaun hai

kis gham mein ghul raha hun mujhe kuchh nahin pata

main khub janta hun ye manzil nahin miri

a kar kahan ruka hun mujhe kuchh nahin pata

rahta hun kis khayal mein nayab in dinon

kya kya main sochta hun mujhe kuchh nahin pata