تماشہ اپنا سر رہ گزر بنایا جائے

تماشہ اپنا سر رہ گزر بنایا جائے

جو راہزن ہے اسے راہ بر بنایا جائے

سلیقہ یہ بھی تو ہے سر اٹھا کے جینے کا

جو ہم میں عیب ہیں ان کو ہنر بنایا جائے

تمام عمر اسی کام میں رہے مصروف

ہر ایک دل میں محبت کا در بنایا جائے

خوشی کا کیا ہے ہمیشہ فریب دیتی ہے

تو اپنے غم کو ہی اب معتبر بنایا جائے

جہاں نہ پڑ سکے سایہ بھی کوئی نفرت کا

محبتوں کا اک ایسا نگر بنایا جائے

ابھی نقوش نمایاں نہیں ہوئے ہیں مرے

تراش کر مجھے بار دگر بنایا جائے

کوئی نہیں ابھی تیار ساتھ چلنے کو

سو اپنے سائے کو ہی ہم سفر بنایا جائے

سب اپنی ذات میں گم ہیں یہ سوچ کر نایابؔ

پرائے درد کو کیوں درد سر بنایا جائے

tamasha apna sar-e-rah guzar banaya jae

jo rahzan hai use rah bar banaya jae

saliqa ye bhi to hai sar utha ke jine ka

jo ham mein aib hain un ko hunar banaya jae

tamam umr isi kam mein rahe masruf

har ek dil mein mohabbat ka dar banaya jae

khushi ka kya hai hamesha fareb deti hai

tu apne gham ko hi ab motabar banaya jae

jahan na par sake saya bhi koi nafrat ka

mohabbaton ka ik aisa nagar banaya jae

abhi nuqush numayan nahin hue hain mire

tarash kar mujhe bar-e-digar banaya jae

koi nahin abhi tayyar sath chalne ko

so apne sae ko hi ham safar banaya jae

sab apni zat mein gum hain ye soch kar nayab

parae dard ko kyun dard-e-sar banaya jae