ہر خطا اس کی ہمیشہ درگزر کرتی ہوئی

ہر خطا اس کی ہمیشہ درگزر کرتی ہوئی

فاصلوں کو دل کی چاہت مختصر کرتی ہوئی

ذہن و دل کی روشنی کو تیز تر کرتی ہوئی

گفتگو سیدھے تری دل پر اثر کرتی ہوئی

میرے جذبوں کے فسوں میں قید وہ ہوتا ہوا

اس کے لہجے کی کھنک مجھ پر اثر کرتی ہوئی

زندگی کی تیز گامی اور دولت کی ہوس

آنے والے کل سے ہم کو بے خبر کرتی ہوئی

حوصلہ دیتا ہوا سا مجھ کو میرا اعتماد

بے یقینی دل میں پیدا ڈر پہ ڈر کرتی ہوئی

بھولا پن اور سادگی پر اس کی میں مٹتا ہوا

ایک صورت موہنی سی دل میں گھر کرتی ہوئی

کس کو یہ معلوم اے نایابؔ نسبت کس کی ہے

میرے ہر نقش قدم کو معتبر کرتی ہوئی

har khata us ki hamesha darguzar karti hui

faslon ko dil ki chahat mukhtasar karti hui

zehn-o-dil ki raushni ko tez tar karti hui

guftugu sidhe tiri dil pur asar karti hui

mere jazbon ke fusun mein qaid wo hota hua

us ke lahje ki khanak mujh pur asar karti hui

zindagi ki tez gami aur daulat ki hawas

ane wale kal se ham ko be khabar karti hui

hausla deta hua sa mujh ko mera etimad

be yaqini dil mein paida dar pe dar karti hui

bhula pan aur sadgi par us ki main mitta hua

ek surat mohni si dil mein ghar karti hui

kis ko ye maalum ai nayab nisbat kis ki hai

mere har naqsh-e-qadam ko motabar karti hui