مایوسیوں کو اوڑھ کے سونا پڑا ہمیں

مایوسیوں کو اوڑھ کے سونا پڑا ہمیں

دن کو ہنسے تو رات کو رونا پڑا ہمیں

وہ جس کو ڈھونڈنے میں گزاری تمام عمر

یہ کیا ستم کہ پھر اسے کھونا پڑا ہمیں

یہ اختیاری فیصلہ تھا یا کچھ اور تھا

تم سے ملے تو پھر جدا ہونا پڑا ہمیں

وہ ایک نام چاہ سے لکھا تھا بارہا

دل سے اسے پھر آنکھ سے دھونا پڑا ہمیں

تاراؔ کنارے آ لگی کشتی جب ایک دم

گرداب میں پھر آپ کو کھونا پڑا ہمیں

mayusiyon ko orh ke sona para hamen

din ko hanse to rat ko rona para hamen

wo jis ko dhundne mein guzari tamam umr

ye kya sitam ke phir use khona para hamen

ye ikhtiyari faisla tha ya kuchh aur tha

tum se mile to phir juda hona para hamen

wo ek nam chah se likha tha barha

dil se use phir ankh se dhona para hamen

tara kinare a lagi kashti jab ek dam

girdab mein phir ap ko khona para hamen