ہم سفر کہاں پہنچے کچھ پتا نہیں ملتا
Tahira Jabeen Tara (b. 1979)ہم سفر کہاں پہنچے کچھ پتا نہیں ملتا
راستے ہیں سب چپ چپ نقش پا نہیں ملتا
ان حسین لمحوں کو بھولنا بھی کب چاہوں
لیکن اس کی یادوں میں وہ مزا نہیں ملتا
زیست کے سفر میں بھی روح کے نگر میں بھی
اس کو ڈھونڈھتی ہوں میں اور پتا نہیں ملتا
کون یوں بلاتا ہے ہر طرف صدائیں ہیں
یہ قدم تو اٹھتے ہیں راستہ نہیں ملتا
اپنے آپ کو ہر دم کھوجتی ہی رہتی ہوں
اپنی ذات کا لیکن کچھ سرا نہیں ملتا
یوں تو دور تک تاراؔ سب فضا معطر ہے
اور ہوا کو آنگن کا در کھلا نہیں ملتا
ham safar kahan pahunche kuchh pata nahin milta
raste hain sab chup chup naqsh-e-pa nahin milta
un hasin lamhon ko bhulna bhi kab chahun
lekin us ki yadon mein wo maza nahin milta
zist ke safar mein bhi ruh ke nagar mein bhi
us ko dhundhti hun main aur pata nahin milta
kaun yun bulata hai har taraf sadaen hain
ye qadam to uthte hain rasta nahin milta
apne ap ko har dam khojti hi rahti hun
apni zat ka lekin kuchh sara nahin milta
yun to dur tak tara sab faza muattar hai
aur hawa ko angan ka dar khula nahin milta