حیات جاوداں والے نے مارا

حیات جاوداں والے نے مارا

زباں دے کر زباں والے نے مارا

بشر کو اس قفس میں تنگ کر کے

زمیں و آسماں والے نے مارا

نگاہیں کام دیتی ہیں نہ راہیں

مکان و لا مکاں والے نے مارا

گوارا ہے دوامی تلخ کامی

کسی میٹھی زباں والے نے مارا

نصیحت گر کو سمجھاؤ خدارا

کہ اس سود و زیاں والے نے مارا

کوئی حد بھی ہے تسلیم و رضا کی

مسلسل امتحاں والے نے مارا

وہ دل میں ہے دل آنکھوں میں نہاں ہے

نشاں دے کر نشاں والے نے مارا

سوئے منزل لیے جاتا ہے ظالم

ہمیں اس کارواں والے نے مارا

ہمیشہ کے لیے خاموش ہو کر

نئی طرز فغاں والے نے مارا

مجھے کم ظرف کہلانا پڑے گا

متاع دو جہاں والے نے مارا

hayat-e-jawedan wale ne mara

zaban de kar zaban wale ne mara

bashar ko is qafas mein tang kar ke

zamin-o-asman wale ne mara

nigahen kam deti hain na rahen

makan-o-la makan wale ne mara

gawara hai dawami talkh kami

kisi mithi zaban wale ne mara

nasihat gar ko samjhao khudara

ke is sud-o-ziyan wale ne mara

koi had bhi hai taslim-o-raza ki

musalsal imtihan wale ne mara

wo dil mein hai dil ankhon mein nihan hai

nishan de kar nishan wale ne mara

su-e-manzil liye jata hai zalim

hamen is karwan wale ne mara

hamesha ke liye khamosh ho kar

nai tarz-e-fughan wale ne mara

mujhe kam zarf kahlana parega

mata-e-do jahan wale ne mara