کل ضرور آؤ گے لیکن آج کیا کروں

کل ضرور آؤ گے لیکن آج کیا کروں

بڑھ رہا ہے قلب کا اختلاج کیا کروں

کیا کروں کوئی نہیں احتیاج دوست کو

اور مجھ کو دوست کی احتیاج کیا کروں

اب وہ فکر مند ہیں کہہ دیا طبیب نے

عشق ہے جنوں نہیں میں علاج کیا کروں

غیرت رقیب کا شکوہ کر رہے ہو تم

اس معاملے میں سخت ہے مزاج کیا کروں

ماسوائے عاشقی اور کچھ کیا بھی ہو

سوجھتا ہی کچھ نہیں کام کاج کیا کروں

محو کار دیں ہوں میں بوریا نشیں ہوں میں

راہزن نہیں ہوں میں تخت و تاج کیا کروں

زور اور زر بغیر عشق کیا کروں حفیظؔ

چل گیا ہے ملک میں یہ رواج کیا کروں

kal zarur aoge lekin aj kya karun

barh raha hai qalb ka ikhtilaj kya karun

kya karun koi nahin ehtiyaj-e-dost ko

aur mujh ko dost ki ehtiyaj kya karun

ab wo fikr mand hain kah diya tabib ne

ishq hai junun nahin main ilaj kya karun

ghairat-e-raqib ka shikwa kar rahe ho tum

is muamle mein sakht hai mizaj kya karun

masiwa-e-ashiqi aur kuchh kiya bhi ho

sujhta hi kuchh nahin kam kaj kya karun

mahw-e-kar den hun main boriya nashin hun main

rahzan nahin hun main takht-o-taj kya karun

zor aur zar baghair ishq kya karun hafiz

chal gaya hai mulk mein ye riwaj kya karun