وہ سر خوشی دے کہ زندگی کو شباب سے بہرہ یاب کر دے

وہ سر خوشی دے کہ زندگی کو شباب سے بہرہ یاب کر دے

مرے خیالوں میں رنگ بھر دے مرے لہو کو شراب کر دے

حقیقتیں آشکار کر دے صداقتیں بے حجاب کر دے

ہر ایک ذرہ یہ کہہ رہا ہے کہ آ مجھے آفتاب کر دے

یہ خواب کیا ہے یہ زشت کیا ہے جہاں کی اصلی سرشت کیا ہے

بڑا مزا ہو تمام چہرے اگر کوئی بے نقاب کر دے

کہو تو راز حیات کہہ دوں حقیقت کائنات کہہ دوں

وہ بات کہہ دوں کہ پتھروں کے جگر کو بھی آب آب کر دے

خلاف تقدیر کر رہا ہوں پھر ایک تقصیر کر رہا ہوں

پھر ایک تدبیر کر رہا ہوں خدا اگر کامیاب کر دے

ترے کرم کے معاملے کو ترے کرم ہی پہ چھوڑتا ہوں

مری خطائیں شمار کر لے مری سزا کا حساب کر دے

حفیظؔ سب سے بڑی خرابی ہے عشق میں لطف کامیابی

کسی کی دنیا تباہ کر دے کسی کی عقبیٰ خراب کر دے

wo sar khushi de ke zindagi ko shabab se bahra yab kar de

mire khayalon mein rang bhar de mire lahu ko sharab kar de

haqiqaten ashkar kar de sadaqaten be hijab kar de

har ek zarra ye kah raha hai ke a mujhe aftab kar de

ye khwab kya hai ye zisht kya hai jahan ki asli sarisht kya hai

bara maza ho tamam chehre agar koi be naqab kar de

kaho to raz-e-hayat kah dun haqiqat kainat kah dun

wo bat kah dun ke pattharon ke jigar ko bhi ab ab kar de

khilaf-e-taqdir kar raha hun phir ek taqsir kar raha hun

phir ek tadbir kar raha hun khuda agar kamyab kar de

tire karam ke muamle ko tire karam hi pe chhorta hun

miri khataen shumar kar le miri saza ka hisab kar de

hafiz sab se bari kharabi hai ishq mein lutf kamyabi

kisi ki duniya tabah kar de kisi ki uqba kharab kar de