کبھی زمیں پہ کبھی آسماں پہ چھائے جا

کبھی زمیں پہ کبھی آسماں پہ چھائے جا

اجاڑنے کے لیے بستیاں بسائے جا

خضر کا ساتھ دیے جا قدم بڑھائے جا

فریب کھائے ہوئے کا فریب کھائے جا

تری نظر میں ستارے ہیں اے مرے پیارے

اڑائے جا تہ افلاک خاک اڑائے جا

نہیں عتاب زمانہ خطاب کے قابل

ترا جواب یہی ہے کہ مسکرائے جا

اناڑیوں سے تجھے کھیلنا پڑا اے دوست

سجھا سجھا کے نئی چال مات کھائے جا

شراب خم سے دیے جا نشہ تبسم سے

کبھی نظر سے کبھی جام سے پلائے جا

kabhi zamin pe kabhi asman pe chhae ja

ujarne ke liye bastiyan basae ja

khizar ka sath diye ja qadam barhae ja

fareb khae hue ka fareb khae ja

tiri nazar mein sitare hain ai mire pyare

urae ja tah-e-aflak khak urae ja

nahin itab zamana khitab ke qabil

tira jawab yahi hai ke muskurae ja

anariyon se tujhe khelna para ai dost

sujha sujha ke nai chal mat khae ja

sharab kham se diye ja nasha tabassum se

kabhi nazar se kabhi jam se pilae ja