ان تلخ آنسوؤں کو نہ یوں منہ بنا کے پی

ان تلخ آنسوؤں کو نہ یوں منہ بنا کے پی

یہ مے ہے خودکشید اسے مسکرا کے پی

اتریں گے کس کے حلق سے یہ دل خراش گھونٹ

کس کو پیام دوں کہ مرے ساتھ آ کے پی

مشروب جم ہی تلخئ غم کا علاج ہے

شیرینیٔ کلام ذرا سی ملا کے پی

واعظ کی اب نہ مان اگر جان ہے عزیز

اس دور میں یہ چیز بہ طور اک دوا کے پی

بھر لے پیالہ خم کدۂ زیست سے حفیظؔ

خون جگر ہے سامنے چل کر خدا کے پی

un talkh ansuon ko na yun munh bana ke pi

ye mai hai khudkashid use muskura ke pi

utrenge kis ke halq se ye dil kharash-e-ghunt

kis ko payam dun ke mire sath a ke pi

mashrub-e-jam hi talkhi-e-gham ka ilaj hai

shirini-e-kalam zara si mila ke pi

waiz ki ab na man agar jan hai aziz

is daur mein ye chiz ba tur ik dawa ke pi

bhar le pyala kham kada-e-zist se hafiz

khun-e-jigar hai samne chal kar khuda ke pi