حسن نے سیکھیں غریب آزاریاں

حسن نے سیکھیں غریب آزاریاں

عشق کی مجبوریاں لاچاریاں

بہہ گیا دل حسرتوں کے خون میں

لے گئیں بیمار کو بیماریاں

سوچ کر غم دیجئے ایسا نہ ہو

آپ کو کرنی پڑیں غم خواریاں

دار کے قدموں میں بھی پہنچی نہ عقل

عشق ہی کے سر رہیں سرداریاں

اک طرف جنس وفا قیمت طلب

اک طرف میں اور مری ناداریاں

ہوتے ہوتے جان دوبھر ہو گئی

بڑھتے بڑھتے بڑھ گئیں بے زاریاں

تم نے دنیا ہی بدل ڈالی مری

اب تو رہنے دو یہ دنیا داریاں

husn ne sikhen gharib azariyan

ishq ki majburiyan lachariyan

bah gaya dil hasraton ke khun mein

le gain bimar ko bimariyan

soch kar gham dijiye aisa na ho

ap ko karni paren gham khwariyan

dar ke qadmon mein bhi pahunchi na aql

ishq hi ke sar rahen sardariyan

ik taraf jins-e-wafa qimat talab

ik taraf main aur miri nadariyan

hote hote jan dubhar ho gai

barhte barhte barh gain be zariyan

tum ne duniya hi badal dali miri

ab to rahne do ye duniya dariyan