مٹنے والی حسرتیں ایجاد کر لیتا ہوں میں

مٹنے والی حسرتیں ایجاد کر لیتا ہوں میں

جب بھی چاہوں اک جہاں آباد کر لیتا ہوں میں

مجھ کو ان مجبوریوں پر بھی ہے اتنا اختیار

آہ بھر لیتا ہوں میں فریاد کر لیتا ہوں میں

حسن بے چارہ تو ہو جاتا ہے اکثر مہرباں

پھر اسے آمادۂ بیداد کر لیتا ہوں میں

تو نہیں کہتا مگر دیکھ او وفا نا آشنا

اپنی ہستی کس قدر برباد کر لیتا ہوں میں

ہاں یہ ویرانہ یہ دل یہ آرزوؤں کا مزار

تم کہو تو پھر اسے آباد کر لیتا ہوں میں

جب کوئی تازہ مصیبت ٹوٹتی ہے اے حفیظؔ

ایک عادت ہے خدا کو یاد کر لیتا ہوں میں

mitne wali hasraten ijad kar leta hun main

jab bhi chahun ik jahan abad kar leta hun main

mujh ko in majburiyon par bhi hai itna ikhtiyar

ah bhar leta hun main fariyad kar leta hun main

husn-e-be chara to ho jata hai aksar mehrban

phir use amada-e-bedad kar leta hun main

to nahin kahta magar dekh o wafa na ashna

apni hasti kis qadar barbad kar leta hun main

han ye wirana ye dil ye arzuon ka mazar

tum kaho to phir use abad kar leta hun main

jab koi taza musibat tutti hai ai hafiz

ek adat hai khuda ko yad kar leta hun main