رنگ بدلا یار نے وہ پیار کی باتیں گئیں

رنگ بدلا یار نے وہ پیار کی باتیں گئیں

وہ ملاقاتیں گئیں وہ چاندنی راتیں گئیں

پی تو لیتا ہوں مگر پینے کی وہ باتیں گئیں

وہ جوانی وہ سیہ مستی وہ برساتیں گئیں

اللہ اللہ کہہ کے بس اک آہ کرنا رہ گیا

وہ نمازیں وہ دعائیں وہ مناجاتیں گئیں

حضرت دل اب نئی الفت سمجھ کر سوچ کر

اگلی باتوں پر نہ بھولیں آپ وہ باتیں گئیں

راہ و رسم دوستی قائم تو ہے لیکن حفیظؔ

ابتدائے شوق کی لمبی ملاقاتیں گئیں

rang badla yar ne wo pyar ki baten gain

wo mulaqaten gain wo chandni raten gain

pi to leta hun magar pine ki wo baten gain

wo jawani wo siyah masti wo barsaten gain

allah allah kah ke bas ik ah karna rah gaya

wo namazen wo duaen wo munajaten gain

hazrat-e-dil ab nai ulfat samajh kar soch kar

agli baton par na bhulen ap wo baten gain

rah-o-rasm-e-dosti qaim to hai lekin hafiz

ibtida-e-shauq ki lambi mulaqaten gain