مجھے شاد رکھنا کہ ناشاد رکھنا

مجھے شاد رکھنا کہ ناشاد رکھنا

مرے دیدہ و دل کو آباد رکھنا

بھلائی نہیں جا سکیں گی یہ باتیں

تمہیں یاد آئیں گے ہم یاد رکھنا

وہ ناشاد و برباد رکھتے ہیں مجھ کو

الٰہی انہیں شاد و آباد رکھنا

تمہیں بھی قسم ہے کہ جو سر جھکا دے

اسی کو تہ تیغ بیداد رکھنا

ملیں گے تمہیں راہ میں بت کدے بھی

ذرا اپنے اللہ کو یاد رکھنا

جہاں بھی نشے میں قدم لڑکھڑائیں

وہیں ایک مسجد کی بنیاد رکھنا

ستاروں پہ چلتے ہوئے ابن آدم

نظر میں فرشتوں کی افتاد رکھنا

حفیظؔ اپنے افکار کی سادگی کو

تکلف کی الجھن سے آزاد رکھنا

mujhe shad rakhna ke nashad rakhna

mire dida-o-dil ko abad rakhna

bhalai nahin ja sakengi ye baten

tumhen yad aenge ham yad rakhna

wo nashad-o-barbad rakhte hain mujh ko

ilahi unhen shad-o-abad rakhna

tumhen bhi qasam hai ke jo sar jhuka de

usi ko tah-e-tegh-e-bedad rakhna

milenge tumhen rah mein but kade bhi

zara apne allah ko yad rakhna

jahan bhi nashe mein qadam larkharaen

wahin ek masjid ki buniyad rakhna

sitaron pe chalte hue ibn-e-adam

nazar mein farishton ki uftad rakhna

hafiz apne afkar ki sadgi ko

takalluf ki uljhan se azad rakhna