مدتوں تک جو پڑھایا کیا استاد مجھے

مدتوں تک جو پڑھایا کیا استاد مجھے

عشق میں بھول گیا کچھ نہ رہا یاد مجھے

کیا میں دیوانہ ہوں یارب کہ سر راہ گزر

دور سے گھورنے لگتے ہیں پری زاد مجھے

اب ہے آواز کی وہ شان نہ بازو کی اڑان

اور صیاد کیے دیتا ہے آزاد مجھے

داد خواہی کے لیے اور تو ساماں نہ ملا

نالہ و آہ پہ رکھنی پڑی بنیاد مجھے

میرے شعروں پہ وہ شرمائے تو احباب ہنسے

اے حفیظؔ آج غزل کی یہ ملی داد مجھے

muddaton tak jo parhaya kya ustad mujhe

ishq mein bhul gaya kuchh na raha yad mujhe

kya main diwana hun yarab ke sar-e-rah guzar

dur se ghwarne lagte hain pari zad mujhe

ab hai awaz ki wo shan na bazu ki uran

aur sayyad kiye deta hai azad mujhe

dad khwahi ke liye aur to saman na mila

nala-o-ah pe rakhni pari buniyad mujhe

mere sheron pe wo sharmae to ahbab hanse

ai hafiz aj ghazal ki ye mili dad mujhe