زندگی کا لطف بھی آ جائے گا

زندگی کا لطف بھی آ جائے گا

زندگانی ہے تو دیکھا جائے گا

جس طرح لکڑی کو کھا جاتا ہے گھن

رفتہ رفتہ غم مجھے کھا جائے گا

حشر کے دن میری چپ کا ماجرا

کچھ نہ کچھ تم سے بھی پوچھا جائے گا

مسکرا کر منہ چڑا کر گھور کر

جا رہے ہو خیر دیکھا جائے گا

کر دیا ہے تم نے دل کو مطمئن

دیکھ لینا سخت گھبرا جائے گا

حضرت دل کام سے جاؤں گا میں

دل لگی میں آپ کا کیا جائے گا

دوستوں کی بے وفائی پر حفیظؔ

صبر کرنا بھی مجھے آ جائے گا

zindagi ka lutf bhi a jaega

zindagani hai to dekha jaega

jis tarah lakri ko kha jata hai ghin

rafta rafta gham mujhe kha jaega

hashr ke din meri chup ka majra

kuchh na kuchh tum se bhi puchha jaega

muskura kar munh chira kar ghur kar

ja rahe ho khair dekha jaega

kar diya hai tum ne dil ko mutmain

dekh lena sakht ghabra jaega

hazrat-e-dil kam se jaunga mein

dil lagi mein ap ka kya jaega

doston ki be wafai par hafiz

sabr karna bhi mujhe a jaega