عشق نے عقل کو دیوانہ بنا رکھا ہے

عشق نے عقل کو دیوانہ بنا رکھا ہے

زلف انجام کی الجھن میں پھنسا رکھا ہے

اٹھ کے بالیں سے مرے دفن کی تدبیر کرو

نبض کیا دیکھتے ہو نبض میں کیا رکھا ہے

میری قسمت کے نوشتے کو مٹا دے کوئی

مجھ کو قسمت کے نوشتے نے مٹا رکھا ہے

آپ بیتاب نمائش نہ کریں جلووں کو

ہم نے دیدار قیامت پہ اٹھا رکھا ہے

وہ نہ آئے نہ سہی موت تو آئے گی حفیظؔ

صبر کر صبر ترا کام ہوا رکھا ہے

ishq ne aql ko diwana bana rakha hai

zulf anjam ki uljhan mein phansa rakha hai

uth ke balin se mire dafn ki tadbir karo

nabz kya dekhte ho nabz mein kya rakha hai

meri qismat ke naushite ko mita de koi

mujh ko qismat ke naushite ne mita rakha hai

ap betab numaish na karen jalwon ko

ham ne didar qayamat pe utha rakha hai

wo na ae na sahi maut to aegi hafiz

sabr kar sabr tira kam hua rakha hai