آ ہی گیا وہ مجھ کو لحد میں اتارنے

آ ہی گیا وہ مجھ کو لحد میں اتارنے

غفلت ذرا نہ کی مرے غفلت شعار نے

او بے نصیب دن کے تصور سے خوش نہ ہو

چولا بدل لیا ہے شب انتظار نے

اب تک اسیر دام فریب حیات ہوں

مجھ کو بھلا دیا مرے پروردگار نے

نوحہ گروں کو بھی ہے گلا بیٹھنے کی فکر

جاتا ہوں آپ اپنی اجل کو پکارنے

دیکھا نہ کاروبار محبت کبھی حفیظؔ

فرصت کا وقت ہی نہ دیا کاروبار نے

a hi gaya wo mujh ko lahad mein utarne

ghaflat zara na ki mire ghaflat shiar ne

o be nasib din ke tasawwur se khush na ho

chola badal liya hai shab-e-intizar ne

ab tak asir-e-dam-e-fareb-e-hayat hun

mujh ko bhula diya mire parwardigar ne

nauha garon ko bhi hai gila baithne ki fikr

jata hun ap apni ajal ko pukarne

dekha na karobar-e-mohabbat kabhi hafiz

fursat ka waqt hi na diya karobar ne